I- Dhalasho Iyo waxbarasho

• 1953 wuxuu ku dhashay Magaalada Boosaaso, wuxuuna ka bilaabay dugsiga qur’aanka.

   

• 1960 - 1972 wuxuu ku dhigtay dugsiga Hoose, dhexe & Sareba magaalada xamar.

   

• 1972 - 1974 wuxuu waxbarasho u aaday dalka talyaaniga, wuxuuna wax ku baranayey kulliyada Ciidamada ee Modena.
• 1980 - 1983 wuxuu ka qalinjebiyey Kulliyaddii Dhaqaalaha ee jaamacaddii ummadda Muqdisho.

II- Khibradaha shaqo

• 1974 - 1990 wuxuu ahaa sarkaal Ciidanka qalabka sida ee Soomaaliya, wuxuuna shaqooyin kala duwan kasoo qabtay Baydhabo, dhuusamareeb & Muqdisho.

   

• 1988 - 1990 wuxuu waxbarasho u aaday dalka talyaaniga, wuxuuna wax kasoo bartay kulliyadda abbaanduulka ee Ciidamada Cievieta Vecchia - Roma.

   

• Wuxuu ku hadlaa luqadaha af-Soomaaliga, Talyaaniga, Ingiriiska Iyo Carabiga, wuxuuna soo maray dalal badan oo adduunka ah.

III-Shirarka siyaasadeed iyo Nabadaynta uu ka qayb galay

• 23-30/06/1991 wuxuu ka qayb galay isagoo wakiil ka ah Oaaska shirkii Garoowe ee lagu go’aansaday in ay SSDF noqoto hoggaanka Siyaasadeed ee gobolladan.

   

• 08-09/01/1992 wuxuu ka qayb galay isagoo wakiil ka ah Ugaaska shirkii Adis-Ababa oo looga hadlayey qaxootiyada iyo dadka tabarta yar sidii loo gaadhsiinlahaa mucaawinooyinka.

   

• 04-15/01/1992 wuxuu ka qayb galay isagoo wakiil ka ah Ugaaska shirkii dib u heshiisiinta Soomaaliyeed ee lagu qabtay Adis-Ababa.

   

• 15-18/11/1992 wuxuu ka qayb galay isagoo wakiil ka ah Ugaaska baaqii nabadda ee Nakuru-Kenya( The Nakuru Peace Appeal) oo ay kasoo qayb galeen Isimo, waxgarad, aqoonyahan iyo siyaasiyiin hore .

   

• 10-12/03/1998 wuxuu ka qayb galay isagoo wakiil ka ah Ugaaska shirkii wada tashiga Garoowe, kaasoo loogu gogolxaarayey dhismihii Dawlad Goboleedka P/Land.

   

• 15/03/1998-30/07/1998 wuxuu ka qayb galay isagoo wakiil ka ah Ugaaska shirweynihii Garoowe ee lagu dhisay Dawlad goboleedka P/Land.

   

• 27/12/1997 wuxuu ka qayb galay isagoo wakiil ka ah Ugaaska Caleema saarkii Islaanka Beesha Cumar Maxamuud Islaan Bashiir islaan Cabdulle Islaan Faarax oo ka dhacay Abqaale.

   

• 16/06/1998 wuxu ka qayb galay isagoo wakiil ka ah Ugaaska Caleema Saarkii Ugaaska Beesha Leelkase Ugaas axmed Ugaas Maxamed oo ka dhacay Galdogob.

   

• 01/12/1997 wuxuu ka qayb galay isagoo wakiil ka ah Ugaaska Caleemo saarkii suldaan cabdulqaadir Suldaan Cali Yaasiin (keenadiid) ee ka dhacay magaalada qardho.

   

• 21-25/03/2000 Wuxuu ka qayb galay shirkii aqoonyahannada soomaaliyeed ee lagu qabtay Djibouti.

   

• 09/05/2001-13/06/2000 wuxuu ka qayb galay isagoo wakiil ka ah Ugaaska shirkii dib u heshiisiinta Soomaliyeed ee lagu qabtay Djibouti oo ay kasoo qayb galeen Isimo, aqoonyahanno, siyaasiyiin, ningarbood, haween & Dad farabadan oo Soomaaliyeed.

IV- Wuxuu Leeyahay Xaas iyo Labo Ciyaal ah.

WABILAAHI TAWFIIQ

BISMILAAHI RAXMAANI RAXIIM

GUDDIGA QABAN QAABADA CALEEMA SAARKA UGAAS XASAN UGAAS YASIIN UGAAS C/RAXMAAN

Xafladda Caleemo Saarka Ugaaska.

Waxaa maanta oo bishu tahay 15/7/01 ka dhacay cuunka waaciye oo Bossaso u jira 180Km Xafladda Caleemo Saarka Ugaas Xasan Ugaas Yaasiin Ugaas C/Raxmaan.

Xafladdaas oo si fiican loo soo agaasimay,laguna qurxiyay Qalabka hidaha iyo dhaqanka Soomaaliyeed, Goobtaas oo lagu caleemo saaray Ugaas Xasan Ugaas yaasiin Ugaas C/Raxmaan.

Xafladdaas oo ay ka soo qaybgaleen Isimo, Gudoomiyaha Baarlamaanka DGPL, Dr Yusuf Xaji Siciid, ku xigeenka Baarlamaanka iyo Xubno Baarlamaanka DGPLka mid ah, Maamulka Gobalka Bari oo uu hogaaminaayo Gudoomiyaha G/Bari Yaasiin Cumar Dheere, Taliye ku xigeenka Booliska DGPL G/Sare Xirsi Siciid, Booliska G/Bari, Hayadaha Caalamiga ah, Hayadaha aan Dowliga ahayn, kuwa wadaniga ah, iyo Dadwayna kale oo fara badan.

Isimada Xafladdaas kasoo qayb galay waxaa ka midahaa.

1. Suldaan Saciid Suldaan C/Salaan Suldaan Maxamuud
2. Garaad C/Qani Garaad jaamac
3. Beeldaaje Yaasiin Cali Xasan
4. Beeldaaje Cali Beeldaaje Faarax
5. Beeldaaje Axmed Xirsi Max’ed
6. Suldaan C/Qani Yaasiin Cali
7. Suldaan C/Laahi Cartan Faarax
8. Suldaan C/Laahi Nuur Faarax
9. Garaad C/Laahi Cali Ciid
10. Suldaan Axmed Maxamed Hure
11. Suldaan Saciid Ismaciil
12. Suldaan Xasan Cali Jibril
13. Ugaas Ibraahim Cali Shibiin
14. Suldaan Max’ed Cali Max’ed
15. Salaad Cali Faarax
16. Beeldaaje Cali Nuur Faarax
17. Ugaas Bashiir Cabdi Ciise
18. Garaad Axmed Baxwal
19. KS/Beeldaaje Ismaciil Beeldaaje Cabdulaahi
20. Garaad C/Laahi Max’ud Max’ed
21. Suldaan Cabdi Buurte
22. Suldaan Ciise Xasan Cumar
23. Ugaas Cumar Max’ed Axmed

Dhamaan Isimadaas, iyo Masuuliyiintuba waxay halkaa kasoo jeediyeen khudbooyiin ay kaga hadlaayeen adkaynta nabadgeliyada iyo hagaajinta Maamulka Mandaqada, Ugaaskana waxay ugu hambalyeyeen Xilkaas loo Caleemo Saaray waxayna u rajeeyeen in Xilkaas Ilaahay u fududeeyo waxaa kale oo Xafladaas Caleemo Saarka hadalo qiimo leh kasoo jeediyay Caaqil Siciid Aw Muuse Max’ed Xaaji, Waxayna ku dhamaatay farxad iyo guul.

Gunaanadkii Xafladdaas waxa ka hadlay Ugaaska la Caleemo Saaray Ugaas Xasan Ugaas Yasiin Ugaas C/raxmaan oo u hambalyeeyay Marti Sharaftii iyo Dadwaynihii kasoo qayb galay Xafladda Caleemo Saarka, isla markaana balan qaaday in uu intii awoodiisu gaarsiiso si hufan odaacadnimo leh u gudan doono Wajibaadka Xilkaas ugu dambayntiina ku khatimay duco dheer oo dhinac walba khusaysa.

Mahadnaq. Gudiga Qaban Qaabadu wuxuu u mahad celinayaa dhamaan Dadkii ka soo qayb galay Xaflad Caleemo Saarka iyo Dadkii ka soo shaqeeyay ba.

Wabilaahi Towfiiq

XOOGHAYNTA GUDIGA QABAN QAABADA
Max’ud Bile Dube
Tell . 00252-523-4785
Mobile No . 00252-572-6434
Mobile No . 00252-525063
Fax# . 00252-523-4801

Ugaas Xasan
Ugaas Muuse
Ugaas Yuusuf
Ugaas Nuur
Ugaas Cali
Ugaas Aadan
Ugaas Samatar
Ugaas Maxamuud
Ugaas Xasan
Ugaas C/raxman
Ugaas Yaasiin 
Ugaas Xasan

XOGHAYNTA GUDDIGA QABAN QAABADA
MAXAMUUD BILE DUBE.                                                             
kaafi741@hotmail.com